JUGUM (sub) mittendi ritus

sub JUGUM mittendi ritus

in victos olim usurpatus, memoratur Liv. Passim, inprimis l. 9. c. 5. ubi de exercitu Rom. sub iugum misso a Samnitibus, etc. 15. ubi de eadem ignominia his victis vicissim a Rom. victore irrogata. Fiebat autem tribus hastis iugum, humi fixis duabus, superque eas transversâ unâ deligatâ, Idem l. 3. c. 29. ubi de Volscis sub iugum missis, Simile quid in Horatio qui sororem occiderat, a patre statutum, ut videbimus infra, ubi de Sigillo Sororio. Alia notio Iugi infra in voce Montes.